مسنة لموظف ببنك: ''وصل للسيسي الـ 100 جنيه دي علشان يشتغل بيهم لمصر''

[معاز]

انا : معاز

كتب - مصطفى عيد:
قال محمد عشماوي رئيس مجلس إدارة المصرف المتحد إن ''هناك عدد من الحالات الإنسانية قامت بتقديم الدعم والمساندة في حساب تحيا مصر (لدعم الاقتصاد المصري) تعكس مدى وطنية هذا الشعب العريق، أبرزها قصة مؤثرة جدًا حدثت في فرع المصرف المتحد - المنصورة الإسلامي بمحافظة الدقهلية''.
وروى عشماوي قصة هذه السيدة من خلال بيان للمصرف اليوم الأربعاء - تلقى مصراوي نسخة منه - حيث قال ''جاءت سيدة مسنة، ترتدي عباءة سوداء اللون عادية، تغطي رأسها بطرحة سوداء يظهر من تحتها الشعر الأبيض، وتحمل في يدها حقيبة صغيرة وبيدها الأخرى تمسك طفلًا صغيرًا، وجهها شاحب اللون, تظهر عليه علامات تقدم السن بوضوح، فتحت باب الفرع ومشت ببطئ وصعوبة متكئة على يد صغيرها، متوجهة إلى أحد العاملين بالمصرف''.
موظف الفرع: أهلا يا حاجة أنا تحت أمرك
السيدة : هو أنت يابني تعرف السيسي
موظف الفرع ويبدو على وجهه علامات الدهشة... فمن أين لهذه السيدة المسنة أن تعرف في السياسة
موظف الفرع: لا يا حاجة بس أي خدمة أقدر أساعدك بيها
السيدة: أنا عايزة أوصله المبلغ دا
موظف الفرع: المبلغ علشان إيه بالضبط
السيدة: أنا عايزة أوصله الميت جنيه دي علشان يشتغل بيهم لمصر
موظف الفرع: هو حضرتك عندك حساب عندنا
السيدة: حساب إيه يا ابني أنا سيدة على باب الله – بس عرفت إن مصر في زنقة ولازم أساعدها مش كده ولا إيه هو دا الواجب؟
موظف الفرع: أكيد يا حاجة .. فيه حساب مخصص تقدري تحطي فيه الفلوس اللي أنتي عايزاها
السيدة: خد مني المبلغ البسيط ده.. وقول للسيسي لما حيجلي فلوس تانية.. حبعتهاله علشان خاطر مصر
موظف الفرع: أكيد يا حاجة متشكر أوي

ساعد في نشر والارتقاء بنا عبر مشاركة رأيك في الفيس بوك