مذكرة تسوية البنك ... جاااامد

[الفاتح]

انا : الفاتح

بناء على طلبات الجماهير قلنا نقول كلمتين كده فى السريع عن التسويات الجرديه ,,
بخصوص التسويه البنكيه ف دى بيتعمل لها مذكره و يطلق عليها مذكره تسويه البنك ...

احنا عارفين ان البنك من اهم الحسابات اللى عبيها رقابه دائمه و محل اهتمام من الجميع ..
لانى يا تخونا ببساطه لما اظبط حسابات البنك و الصندوق بالشركه عندى يبقى اكيد باقى الحسابات هتتظبط لان معظمها ليها علاقه بالبنك او الصندوق فى الغالب الاعم ..

و زى ما احنا عارفين ان اى عمليه بتحصل مثلا مبيعات و اودعت بالبنك بنعمل القيد المعتاد كالتالى : من ح \ البنك الى ح \ المبيعات
و زى ما احنا عارفين برضو لو دفعنا شيك ثمن شراء بضاعه .. هنعمل القيد البسيط التالى : من ح \ المشتريات الى ح \ البنك

نفهم من كده ان البنك هتلاقى فيه حاجات طالعه و حاجات داخله .. و الانسان من طبعه النسيان . يعنى ممكن اسجل عمليه ب 26345 و اغلط و اسجلها ب 26435 و ده طبعا خطاء و عدى على .

من اهم مميزات كشف حساب البنك انه بيراجع على شغلك ,,,, يعنى لو انتى غلطى فى حاجه او تسجيل عمليه او نسيتى مثلا تسجلى عمليه كامله( نسيتى تسجيل شيك لاحد الموردين ) هتلاقى ان الحاجات دى بتبان فى كشف حساب البنك ...

طيب ازاى بعمل مذكره التسويه ما بين رصيدى و رصيد البنك ؟؟؟؟؟؟!!!!
هناك طريقتين هما :
انك تبداء برصيدك الدفترى و تضيفى و تخصمى الحاجات الى مختلفه بعد اتاكد منها .. لحد ما يتطابق مع كشف حساب البنك بالميلى ... و ممنوع الفروقات على الاطلاق ..

انك تبداء برصيد البنك و تضيفى و تخصمى الحاجات الى مختلفه بعد اتاكد منها .. لحد ما يتطابق مع كشف رصيدك الدفترى بالميلى ... و ممنوع الفروقات على الاطلاق ..

و انت شغال كده هتلاقى زى ما قلنا ان فى عمليات انتى اصلا نسيت تسجلها - يبقى لازم تسجليها و تعملى لها قيد نظامى عادى جداااا ...
برضو وانتى شغاله هتلاقى ان فى عمليات انتى سجلتيها بس مش نزلت فى كشف حساب البنك !!!! دى بقا من الحاجات اللى تخصم او تضاف ( حسب الطريقه ) بدون اعداد قيد ..

نفهم من كده ان مذكره تسويه البنك دى مذكره خصم و اضافه و مراجعه ؟؟؟ ولا تقصد ايه !!!!

مش بالظبط يا ولاء ... هيا فعلا اضافه و خصم و مراجعه و ,,,,,,,,,, تعالى نكمل و فى الاخر انتى هتطلعى برايك الخاص ... او هتطلعى فوق السطح .. هع هع هع

مثال عملى :
عند طلب كشف ح من البنك وجدنا ان رصيده 481330ج بينما رصيدنا فى الدفاتر كان475000ج
وعند المراجعه والمطابقه اتضح الاتى :
1. ارسلنا شيك للتحصيل 19500 ونزلناه فى دفاترنا ولم يحصله البنك ولم يحطه فى حسابنا .
2. اصدرنا شيك للمورد ب 20000 ج ونزلناه فى دفاترنا ولم يصرف ولم ينزل فى حسابت البنك .
3. احتساب البنك عمولات 120 جنيه وفوائد 450 ج لم نثبتها عندنا لعدم المعلوميه بوقتها .
4. البنك نزل فى حسبنا 3000 ج فوائد للوديعه اللى احنا حطناها فى البنك .
5. البنك نزل ف حسابنا 4600 ج ارباح من الاسهم بتاع المحفظه بتاعتنا .
6. البنك خصم 1200 ج قسط السياره واحنا مكناش نعرف .
كفايه كده وتعالى نشوف هنعملها ازاى ... اولا نحط رصيد الدفتر بتاعنا ونجمع ونطرح الحاجات اللى عندنا واللى مش عندنا لحد ما نصل الى رصيد البنك ولازم يطلعو متطابقين ؛

مبلغ بيان تاريخ ملاحظات
475000 رصيد الدفتر 31/6 رصيد الدفتر بتعنا
19500 - شيك لم يحصلة البنك من العميل--يخصم لان البنك محصلوش ( بدون قيد )
20000 +شيك لم يحصله المورد من البنك --يضاف لان المورد مصرفوش( بدون قيد )
570 - فوائد وعمولات بنكيه -- يخصم لان البنك خصمها مننا ( نعمل قيد )
3000 +فوائد ودائع بنكيه -- يضاف لانه من حقنا ( نعمل قيد )
4600 +ارباح اسهم المحفظه -- يضاف لانه بتاعنا( نعمل قيد )
1200 - قسط سياره -- يخصم لاننا دفعنا ( نعمل قيد )
481330 رصيد البنك -- وكده رصيدنا فى الدفتر = رصيد البنك

تنويه :
مذكره تسويه البنك وحسابات استاذ العملاء والمساعدين المساعده مهمه جداااا وفى مطابقه ح العملاء مثلا بنجيب كشف حساب العميل ونقارنه بكشفنا ونشوف لو فى فواتير او دفعات او مردودات نزلت عندنا ومش عنده بنخطره بيها علشان ينزلها ويبقى الحساب مظبوط ولازم يرفق بالاخطار ده صوره رجيع المواد مثلا او سند الاستلام من المخازن ومبين فيها ان الكميه ناقصه وهكذا يعنى لازم الكلام يكون بمستندات رسميه علشان ميبقاش عنده حجه ويعدل الحساب زينا والعكس صحيح .
لازم نخلى بالنا من حسابات المشتريات والمبيعات ونفتح يوميه مبيعات (مساعده ) لكل منها نبين فيها الاصناف والكميات والسعر ,,,, علشان ضمان وسلامه شغلنا ولازم تبقى محاسب فايق وفاهم كل حاجه ماشيه ازاى ولو عندنا حسابات مخازن لازم نراقبها كويس اوى من خلال كارته الصنف والصادر والوارد وازاى نعمل جرد للمخزن ونطابق ما بين الرصيد الدفترى والفعلى ,,,,,

خلى بالك الحاجات اللى مكتوب عليها نعمل قيد فيها يبقى لازم نعمل قيد نظامى مثلا مصروفات بنكيه خصمت من الحساب و مكناش نعرف . و ايضا قسط السياره انا نسيت اعمله( مثلا لما اثبت العربيه كان من ح الاصول الى ح \ تمويل بنكى - سياره فورد ) . يبقى نعمل لها قيد كالاتى :
من مذكورين
ح \ م . عموميه و اداريه - عمولات و مصروفات بنكيه
ح \ تمويل بنكى - سياره فورد , القسط السابع مثلا
الى ح البنك - البنك ال776اهلى مثلا ..

ده شكل قيد عادى جداااا و ادينا عرفنا الفائده الهامه من مذكره التسويه انها بتراجع على شغلنا ..

مثال عملى :
بفرض انى سجلت شيك احد الموردين ب 6747 بدلا من 6774 ,,,يعنى هناك فرق 27جنيه . و اكتشفت الحكايه دى من كشف حاسب البنك .. هتتعالج باحد الطريقتين :

1- اعمل قيد بالفرق بينهم و اخلص,,

27 من ح \ المورد
27 الى ح \ البنك .. بوكده اكون ظبط حساب المورد و البنك معا ..

2- اقفل القيد الاول و اعمل قيد تانى

$ اقفال القيد الاصلى بعكسه
6747 من ح البنك
6747 الى ح \ المورد
$ ثم عمل القيد بالقيمه الصحيحه
6774 من ح \ المورد
6774 الى ح \ البنك

اكرر بوضوح .. الشيكات اللى انا مسجلها عندى سواء مدينه او دائنه و لم تنزل فى كشف حساب البنك لا يعد لها قيود على الاطلاق و لكن تضاف او تخصم من المذكره فقط فقط فقط لا غيررررر ,,

اكرر بوضوح .. العمليات اللى وقعت منى او سجلتها غلط بس هيا اللى بعمل لها قيد نظاميه عاديه علشان اظبط حساب البنك و اى حساب تانى زى المثال السابق ...

مش عارف اقول ايه تانى بس اعتقد انها كده تعتبر محاضره متواضعه سريعه من شخص قليل العلم و المعرفه ,, و ادعو لى ربى بالخير فى صلاتكم ,, اكرمكم الله و ايانا جميعا ,,

و الله ولى التوفيق .. و ما توفيقى الا بلله

ساعد في نشر والارتقاء بنا عبر مشاركة رأيك في الفيس بوك