أهلا وسهلا بكم في منتدى المراجع المصرى/المحاسب القانونى محمد صفوت نتمنى لكم اجمل الاوقات برفقتنا
ضع وصفاً للصورة الأولى الصغيره هنا1 ضع وصفاً للصورة الثانية الصغيره هنا2 ضع وصفاً للصورة الثالثه الصغيره هنا3 ضع وصفاً للصورة الرابعه الصغيره هنا4
العودة   منتدى المراجع المصرى/المحاسب القانونى محمد صفوت > منتديات المحاسبه > منتدى محاسبه التكاليف
« آخـــر الـــمـــشـــاركــــات »
         :: مفهوم الدعم والمقاومة (آخر رد :دعاء يوسف علي)       :: أفضل أنواع التداول (آخر رد :دعاء يوسف علي)       :: خطوات التسجيل في فرنسي تداول (آخر رد :دعاء يوسف علي)       :: شروط تسجيل عضوية بموقع حراج (آخر رد :دعاء يوسف علي)       :: رسوم الحساب الاستثماري في تداول الراجحي (آخر رد :دعاء يوسف علي)       :: اعتماد العزل (آخر رد :مروة مصطفي)       :: شركة امتلاك (آخر رد :مروة مصطفي)       :: كيفية شراء الاسهم الامريكية الحلال (آخر رد :سلمي علي)       :: طريقة تحويل العملات المختلفة (آخر رد :سلمي علي)       :: حجابات شيفون (آخر رد :سلمي علي)      

إضافة رد
 
أدوات الموضوع انواع عرض الموضوع
  #1  
قديم 11-08-2016, 04:56 AM
فاروق أحمد فاروق أحمد غير متواجد حالياً
مدير عام
 
تاريخ التسجيل: Jan 2013
المشاركات: 885
افتراضي حساب- نقطة التعادل



تحليل نقطة التعادل عملية مهمة جدا في البيزنس بتاعك، لو لسه بتبدأ شركة جديدة وبتعمل خطة البيزنس بتاعك، هتلاقي ان من اكتر الأسئلة اللي بتشغل بالك: ” امتى هقدر أعمل ربح من الشركة ؟” كذلك الشركات القديمة اللي مرت بسنين صعبة بتتسائل: “امتى بالظبط هنقدر نقول اننا بدأنا جني أرباح ؟”
للوهلة الأولى ممكن يجيلك احساس ان حساب نقطة التعادل صعب، لكن في الحقيقة الموضوع بسيط لو تمت صياغة السؤال صح، زي كده: “محتاج أبيع كم وحدة علشان أقدر أغطي نفقاتي ؟” الوحدة ممكن تكون عدد ساندويتشات لو انت عندك مطعم، أو عدد أجهزة لو انت شركة كمبيوتر، أو حتى عدد ساعات الشغل لو انت بتشتغل بالساعة.
نقطة التعادل هي النقطة اللي بعدها بتدخل شركتك في مرحلة جني الأرباح، يعني بالتحديد هي النقطة اللي عندها بيتساوى مصروفاتك أو نفقاتك، مع إيراداتك. في البداية علشان تقدر تحسب نقطة التعادل محتاج تكون عارف كذا حاجة:
  • التكلفة الثابتة شهريا
  • التكلفة المتغيرة للوحدة
  • متوسط سعر الوحدة


الخطوة الأولى: تحليل نقطة التعادل للتكلفة الثابتة

في تكلفة ثابتة شهريا بتدفعها بغض النظر عن حجم الانتاج بتاعك، زي رواتب الموظفين والإيجار. في حاجات كتير ممكن تكون تكلفتها ثابتة زي مثلا اشتراك النت أو اقساط المعدات أو أقساط التأمين، لكن تأكد من انك سجلت كل حاجة.
لو لسه بتبدأ شركتك جديد أو في معلومات ناقصاك، متحاولش تعتمد أوي على التخمينات والتقديرات الخيالية علشان تحسب التكاليف الثابتة، انت غالبا هتنسى حاجة أو مش هتقدر مظبوط. لكن يُفضل انك تستعين بناس عندها علم بالتكاليف دي، زي انك تسأل متخصصين عن رواتب الموظفين اللي بيقوموا بالادوار الفلانية، وتستفسر من سمسار عن ايجار المكان بالمواصفات اللي انت عاوزها في المنطقة الفلانية، وهكذا.. لكن متبنيش حاجة مهمة زي نقطة التعادل بناء على تخميناتك نهائي.
الخطوة الثانية: تحليل نقطة التعادل للتكلفة المتغيرة

التكاليف المتغيرة بتكون زي مصاريف التخزين والنقل والتوزيع والمواد الخام، كل حاجة تكاليفها بتتغير بحسب حجم مبيعاتك أو انتاجك بتندرج ضمن التكاليف المتغيرة. للمرة التانية بنأكد انك متعتمدش نهائي على التخمين، نقطة التعادل مش حاجة بتتحسب في قعدة وكوباية شاي وتحسب هتبدأ تكسب امتى.
ابدأ جمع بيانات صح عن التكاليف المتغيرة، ابدأ اسأل الموردين علشان المواد الخام، شركات الشحن أو النقل علشان التوزيع واعرف عن تكاليف التخزين. شوف الشركات الكبيرة مصاريفها عاملة ازاي ومتقلقش لو لقيت أرقام فلكية، لو أخدت نسبة على حجم البيزنس بتاعتك هتكون التقديرات بردو قريبة مش بعيدة. لكن أهم حاجة اعتمد على تكاليف حقيقية مش من خيالك.
الخطوة التالتة: تحليل نقطة التعادل : التسعير

دي تعتبر أكتر نقطة بتتعبنا كمصريين واحنا بنبدأ البيزنس بتاعنا: أبيع المنتج بكام؟ ولأن دي حاجة تسويقية أكتر منها محاسبية، لكن بنبصلها بنظرة محاسبية بالشكل ده: “انا بعمل الساندويتش بيكلفني 4 جنية” هبيعه بخمسة علشان أكسب قليل وابيع كتير فاكسب اكتر. لكن في الحقيقة مش هنتكلم في نظريات التسعير هنا، لكن هنتكلم عن فكرة مبسطة عن التسعير بيتم ازاي.
ممكن تبص على المنافسين بتوعك وتشوف السعر اللي بيقدموا بيه كم؟ وابدأ حدد مكانك منهم، هل منتجك أعلى جودة فلازم سعره يكون أعلى؟ ولا منتجك مبسط لفئة أبسط فسعره يكون أقل؟ ولا متشابهين فهتختار تسعير قريب من سعرهم. اعمل بحث صغير على فئات محددة شوف هل الفئة دي تقدر تشتري خدمات بجانب المنتج مقابل رفع السعر: (زي الصيانة أو الدعم الفني .. إلخ ) ؟
فكر في التكاليف بردو وانت بتعمل تسعير، هل السعر ده هيغطي التكاليف ولا لأ؟ لكن متعتمدش على التكاليف لوحدها في انها تعمل التسغير لأن نقطة التعادل هتكون مبنية على التسعير ده.
الخطوة الرابعة: تحليل وحساب نقطة التعادل

بمجرد ما جيبت البيانات المطلوبة اللي فاتت دي، هنبدأ نستخدم المعادلة دي علشان نحسب الكمية اللي بتحقق نقطة التعادل:
كمية التعادل = التكلفة الثابتة ÷ (متوسط سعر الوحدة – متوسط تكلفة الوحدة )
مثال:
لو انت بتعمل أكسسوارات هاند ميد للبنات، وعندك تكلفة ثابتة 750 جنية. التكلفة المتغيرة للعقد حوالي 25 جنية كمواد خام وتشغيل، وقدرت تحدد سعر 40 جنية للعقد لأن ده سعر متوسط في السوق.
الكمية = 750÷ ( 40 – 25 ) = 750 ÷ 15 = 50
ده معناه انك محتاج تبيع خمسين عقد علشان تقدر توصل لنقطة التعادل.
فائدة نقطة التعادل

الهدف من حساب نقطة التعادل مش بس انك تعرف هتقدر تحقق أرباح امتى، لكن كمان انك تقارن بين استراتيجيات التسعير المختلفة. مثلا: لو زودت سعر البيع لـ 75 جنية. هتكون محتاج تبيع 15 عقد بس، لكن السعر ده هيكون صعب انه يجذب عملاء.
في المقابل انك لو قللت السعر ل 30 ، هتعرف تبيع لعملاء كتير، بس في المقابل هتكون محتاج تبيع 150 عقد علشان تحقق نقطة التعادل.
نقطة التعادل هتساعدك تقارن التكاليف والاسعار، فرضا لو قدرت تخفض تكاليف الخامات والتشغيل ل15 بس، ساعتها بسعر الـ 30 هتكون محتاج تبيع 50 عقد بس.
نقطة التعادل من الحاجات المهمة جدا في البيزنس، وانت كمحاسب المفروض تكون عينك عليها وتوجه أقسام الشركة زي التسويق والمبيعات علشان يشتغلوا على أساسها..

ساعد في نشر والارتقاء بنا عبر مشاركة رأيك في الفيس بوك

رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Facebook Comments by: ABDU_GO - شركة الإبداع الرقمية
كافة الحقوق محفوظة لـ منتدى المراجع المصرى/المحاسب القانونى محمد صفوت