خطوات وإجراءات تسجيل محاسب تحت التمرين بمكتب محاسبة

[ميكانو]

انا : ميكانو

السلام عليكم ورحمه الله وبركاته

الاسم : محمد رجب مؤمن
المهنه : محاسبه قانونى تحت التمرين
سنه التخرج : 2007
المؤهل الدراسى : بكالوريس تجارة جامعه القاهرة

اولا احب ان ارحب بالاخوة والاخوات حديثى التخرج وادعوا الله ان ينفع عملى الذى سوف اقدمه لهم
فى مجال التسجيل كمحاسب تحت التمرين وان يجعله الله لى فى ميزان حسناتى

تخرجت من الجامعه سنه 2007 وقمت بالعمل فى احدى مكاتب المحاسبه كمحاسب تحت التمرين سنه 2008 وسأبداء معكم خطوات التسجيل كمحاسب تحت التمرين كما قابلتني لان بجد انا ندمت على الوقت اللى عدى من غير مسجل بسبب انى مش فاهم الخطوات او مستصعب الاجراءات لكن لاتقلق فهى ابسط مما تتصور



على بركه الله نبدأ

الخطوة الاولى : التأمين عند المحاسب المراد التمرين عنده

ممكن تعمل حركه جرئيه وتجيب نموذج (1) تامين وتملاه وتخليه ناقص على توقيع وختم المحاسب ورقم المنشأة اللى هى المكتب وفاجاء المحاسب القانونى بيها
ودى صوره من نموذج (1) تأمينات وازاى تملاه

الوجه الاول
هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 1239x1563 .

الوجه الثانى
هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 1190x1582 .

الخطوة الثانيه : عمل صحيفه الحاله الجنائية ( الفيش والتشبيه )
مع العلم بأن مده سريان هذا الصحيفه 3 أشهر من تاريخ اصدارها وتكتب فيها انها موجهه الى
( سجل المحاسبين والمراجعين بوزارة الماليه )
وطبعاً كلنا عارفين شكلها مش محتاجه صور اللى هى فيش سريع او فيش بطئ او فيش كمبيوتر ونصيحه من واحد مجرب خد معاك مناديل ورق وجاز علشان كلهم بيبهدلوا اديكم بالحبر علشان ياخدوا البصمات

الخطوة الثالثه : برنت تأمينات
وهو عبارة عن ورقه تصدرها مكاتب التأمينات موضح بها بيانات التأمين عليك
واسم النشأة المؤمن عليك فيها
وتاريخ التأمين
واذا كنت قد سددت المستحق عليك او لم تسدد او لديك رصيد دائن

ودى صوره من برنت التأمينات

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 1251x1127 .

الخطوة الرابعه : شهادة من المحاسب معتمده من النقابه اللى هى فى العباسية

وفى صيغه معينه هتكتبها فى الشهادة دى وتخلى المحاسب يمضى عليها ويختم بالختم اللى عليه اسمه ورقم التسجيل بتاعه اللى هو فى سجل المحاسبين والراجعين

ودى صوره من الشهادة وانا هرفق الصيغه بطريقه الورد wrd علشان تدخل عليها بياناتك انت

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 1116x1542 .

الخطوة الخامسه : حواله بريديه
حواله بريديه بمبلغ 140 قرش اوعى حد يعمل الحواله بـ 140 جنيه انا بقول قرش وقرش كبيييير كمان اهو ( 140 قـــــــــــــرش ) اللى يضحك ثمن الحواله 0.50 قرش وعلشان ترسلها 4.00 جنيه يعنى الاجمالى 6.00 جنيه وانت بتعمل الحواله اشترى 2 طابع بوسطه عاديه فئه 1 جنيه علشان هتحتاج لهم وهقولك فى ايه يبقى المطلوب حواله بريديه 140 قرش بأسم ( مدير عام سجل المحاسبين والمراجعين ) وهتاخد ايصالات الحواله واحد احمر وده هيخدوه فى السجل والتانى اخضر وصورته كالاتى

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 777x865 .

الخطوة السادسه : إقرار التفرغ
وده اقرار انت بتكتبه على نفسك بأنك لا تمارس اى مهنه او وظيفه الا المحاسبه
وصيغته فى المرفقات وده هتلاقيه جاهز فى سجل المحاسبين بس زياده تأكيد حضره معاك وانت رايح وعلى فكره ده هتلزق عليه واحد دمغه من فئه 1 جنيه اللى انا قولت عليها والدمغه التانيه على شهادة المحاسب اللى فى الخطوة الرابعه

ودي صورة اقرار التفرغ

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 1228x1650 .

والباقى حاجات عادية وهقولك عليها دلوقتى

طلب القيد تحت التمرين

1- أصل شهادة التخرج
2- أصل شهادة الميلاد
3- أصل شهادة التجنيد ( للذكور فقط طبعاً هو فى بنات عندها الشهادة دى )
4- صحيفه الحاله الجنائيه بأسم ( سجل المحاسبين والمراجعين بوزارة الماليه )
5- شهادة من المحاسب معتمده من النقابه + دمغه من النقابه 20 جنيه + دمغه بوسطه عاديه 1 جنيه
6- استمارة 1 تأمينات اصل او صوره مختومه بختم واضح من التأمينات ودى ممكن نستغنى عنها بالبرنت
فى الخطوة الثالثه بالشرح اعلاه
7 - حواله بريديه بمبلغ 140 قرش بأسم ( مدير عام سجل المحاسبين والمراجعين )
8- اقرار التفرغ + دمغه بوسطه عاديه 1 جنيه
9- صوره البطاقه
10- طلب قيد من الادارة العامه للمحاسبين والمراجعين وده هتلاقيه مجاناً هناك وانت بتقدم الاوراق

فى حاجه مهمه هى انك لازم تكون مسدد اشتراك النقابه انت والمحاسب بتاعك علشان ورقك يمشى بسرعه وهما هيطلبوا منك صورة من ايصال سداد اشتراك النقابه الخاص بك وممكن لو معاك الكارنيه يحل محل الايصال ودول صور الكارنيه اللى انا اقصده وصور الايصال اللى انت هتسدد وتاخده

صوره الايصال

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 911x688 .

صوره الكارنيه

وبكده اكون خلصت وادعوا الله ان تكونوا استفدتم
اسألكم الدعاء

لا تنسوا روابط التحميل


والسلام عليكم ورحمه الله

http://www.up-00.com/dldy9f09972.rar.html

ساعد في نشر والارتقاء بنا عبر مشاركة رأيك في الفيس بوك