م مقدم و مستحق ايراد مقدم و مستحق ,,, حلووووه

[الفاتح]

انا : الفاتح

الحمد لله على نعمتى العقل و العلم ,,

اخوانى فى الله انا فكرت انى اقدم شويه حاجات لزيزه بتعمل لبس لكثير امن اخونا المحاسبين حديثى التخرج وقت اعداد الميزان و التسويات .... ومن غير كلام كتير و رغى تعالى نشوف بعض الحاجات دى اللى شبه بعض وبتلخب ناس كتيررررر ,,,
[B]

التســــويـــات الجـــرديــــة .

فى اخر السنه الماليه 31/12/2008 م بنعمل تقفيل السنه الماليه وبنبداء بميزان المراجعه اللى بناخد ارصدته من حسابات الاستاذ العام مثلا مجموع العملاء اوالموريدن فى دفتر العملاء والموردين ولا يشغل بالنا كل مورد او عميل على حده بل مجاميع يعنى كل العملاء رصيدهم كام ؟؟؟ وده اللى هنحطه فى ميزان المراجعه وكذلك الحال بالنسبه لباقى الحسابات فى المؤسسه ككل ( ايرادات ومصروفات واصول ,,,, )

و فى حته مهمه الذكر دلوقتى .,, انى مثلا وانا بعمل التسويات دى وجدت حسابات شاذه ,,

الحساب الشاذ : هو الحساب اللى بيظهر عكس طبيعته ,,,

يعنى مثلا وجد حساب مورد مدين .. مع ان المورد ده لازم يكون دائن .. بس انا اديت للمورد دفعه اكبر من البضاعه الى جابهالى و ده اللى خلاه بيظهر مدين يعنى حساب شاذ ,, الحل بقا انى مش اخد صافى حساب الموردين ( يعنى الدائن المدين ) لان ده هيكون غلط و مش بيظهر الحسابات بدقه ولا صدق ولا حتى صحيحه ولو اكتشف الحوار ده هيكون تضليل .ز
طيب الحل ايه بقا ؟؟
عندى عده طرق و كلها صحيحه بس انا شخصيا باخد الارصده دى الشاذه و اعمل بها حسابات مدينه تحت التسويه او دفعات مقدمه من ح توريدات ( موردين ) و الاتنين صح المهم انى اظهر الحسابات دى مدينه فى الميزانيه لانها فعلا بقت مدينه بالرغم من تعلقها ب موردين اللى هما اصلهم دائنين بس اهو ,, حكم القوى بقا ..

تعالى نكمل بعد ميزان المراجعه ده بنلاقى حاجات تانى لازم تتعدل مثلا دفعنا ايجار 3 سنين مقدم يبقى لازم نرجع سنتين ونفتح ليهم حساب لوحدهم اسمه مصروف مقدم والباقى ( سنه ) تحمل مصروف على الوحده فى العام الحالى او انى اخدت ايراد مقدم او خلافه وتعالى نشوف بقا شويه من الحاجات المهمه اوى فى التسويات دى ؛

اولا – المصروف المدفوع مقدما ؛
المصروف المقدم هو مصروف دفع فى هذا العام وحمل بكامل قيمته على السنه الماليه الحاليه ولكنه فى الاصل يخص عده سنوات ماليه ( فترات ) وبنا على مبدئ الاستحقاق ( تحميل السنه بما يخصها من المصروفات فقط ) فاننا نقسم المصروف على حسب فتراته ويظهر لينا ح جديد اسمه المصروف المقدم .
مثال : وجد اثناء عمل الميزان والتسويات ان المنشاه دفعت ايجار قيمته 15000 ج يخص الفتره من 1/6/2008 م الى 1/6/2011 م وحمل بكامل قيمته على مصروف الفتره الحاله نعمل ايه بقا ؟؟!!؟
اولا العمل عمل ربنا اما الحل فمن عند الله اما التسويه فكل شئ ربنا اللى بيسويه ,,,
المعالجه بقا بتاع الحاله دى نقسم المصروف 15000 الى 3 سنين ونحمل السنادى من 1/6 وحتى 31/12 بما يخصها من المصروف فقط والباقى نحطه فى حساب المصروف المقدم هكذا ....
قيمه ما تتحمله الفتره الحاليه = 15000 ÷ 3 سنوات = 5000 لكل سنه .
واحنا يخصنا منها من 1/6 وحتى 31/12 يبقى نص سنه = 2500 جنيه فقط ...
كان القيد الاول لما اثبتناه عامل كده
15000 من ح/ م عموميه – ايجار عقارات >>> ( قائمه الدخل )
15000 الى ح / البنك >>> ( ميزانيه )
اما الان هنعمل التسويه ونحمل المصروف المقدم بالفرق = 15000 – 2500 = 12500 ج
12500 من ح/ مصروف مقدم – ايجار >>> ( ميزانيه )
12500 الى ح / م عموميه – ايجار عقارات ,,,,, >>> ( تخفيض المصروف)
وبكده يبقى احنا قللنا م. عموميه السنادى ب 12500 ودول لا يخصوها اصلا( القائمه ) وفى نفس الوقت حملنا المصروف المقدم ب 12500 اللى بيخصوها ( الميزانيه ) ,,,
اما السنه الجايه وعليك خير هنعمل القيد ده وده للمعلوميه بس ولا يعمل السنادى بس انا بعرفك وافهمك ؛
5000 من ح / م عموميه – ايجار عقارات >>> ( قائمه الدخل )
5000 الى ح / مصروف مقدم >>> ( ميزانيه )
عاوز اقول حاجه مهمه جدااااااا ؛
احنا قبل ما نعمل القيد بنفكر كويس اوى تاثيره ايه على الحسابات الختاميه ( قائمه وميزانيه ) وهيكون شكلهم عامل ازاى ؟؟
علشان كده فى المثال ده احنا لو معملناش قيد التسويه يبقى حرام لاننا خصمنا من الربح 15 الف للايجار وهما اصلا لا يخصوها يبقى لازم نرجهم تانى ونحملهم على السنين الجايه علشان كده عملنا التسويه وعلشان برضو نضمن حقنا عند الراجل المؤجر اننا ندينه ب 12500 ج وبندخلها الميزانيه( اصول متداوله ) ونخصم منها الايجار السنوات القادمه زى ما بينا فوق , وكل سنه بيقل المصروف المقثدم حتى = صفر .
ازاى ؟؟ هنقسمها فترات ونشوف تاثيرها على ح / المصروف المقدم
التاريخ بيان مدين دائن رصيد
31/12/2008 م عموميه - ايجار 12500 12500 رصيده فى الميزانيه 2008
31/12/2009 م عموميه - ايجار 5000 7500 رصيده فى الميزانيه 2009
31/12/2010 م عموميه - ايجار 5000 2500 رصيده فى الميزانيه 1008
31/6/2011 م عموميه - ايجار 2500 0000 لا يظهر لانه صفر وانتهى
يعنى فى 1/6/2011 هتلاقى ان الرصيد صفر لاننا قسمناه على الفترات زى ما قلنا ,,,, ونبدا ايجار جديد .

يا رب تكونو فهمتو المغزى من التسويه دى وهنحاول برضو نوضح الامور كل شويه فى كل تسويه علشان تبقى شغال وانت فاهم بتعمل ايه وعلى فكره لومش فاهم اوعى تستنصح .... اسال ذوى الخبر وده مش عيب العيب انك متحاولش تتعلم الصح .

ثانيا – الايراد المدفوع مقدما ؛
ده بقى عكس المصروف تماما ,, يعنى احنا اخدنا فلوس مقدم ولسه مبعناش حاجه او بعنا جزء وباقى جزء تانى لسه ما اخدوش العميل يعنى زى دفعه تحت الحساب وطبقا لنفس المبدئ الاستحقاق اننا بنحمل كل سنه بمصاريفها وايرادتها يبقى زى ما حملنانا فوق بمصروف السنه بس ورحلنا الباقى للميزانيه نعمل هنا كمان كده وتعالى نشوف مثال علطوووووول ,,,
مثال : وجد اثناء عمل الميزان والتسويات ان المنشاه حصلت ايراد قيمته 45000 ج ثمن بضاعه تم بيعها لاحد العملاء واننا ارسلنا له فقط ما قيمته 22000 ج فقط والباقى لم يسلم له بعد ,, نعمل ايه ؟؟
التسويه هنا بسيطه خالص يعنى نحمل السنداى من الايراد بتعها وهو 22000 ج بس اما الباقى 23000 ج نعليه على حساب الايراد المقدم لانه يخص السنوات القادمه ..
كان القيد الاول لما اثبتناه عامل كده
45000 من ح/ البنك >>> ( ميزانيه )
45000 الى ح/ ايراد المبيعات >>> ( قائمه الدخل )
اما الان هنعمل التسويه ونعلى الايراد المقدم بالفرق = 45000 – 22000 = 23000 ج
23000 من ح/ ايراد المبيعات >>> ( تخفيض الايراد )
23000 الى ح /ايراد مقدم ,,,,, >>> ( ميزانيه )
وبكده يبقى احنا قللنا ايراد مبيعات السنادى ب 23000 ودول لا يخصوها اصلا( القائمه ) وفى نفس الوقت علينا الايراد المقدم ب 23000 اللى بيخصوها ( الميزانيه ) ,,,
اما السنه الجايه وعليك خير لما العميل ده يبعت ياخد باقى البضاعه بتاعته هنعمل القيد ده وده للمعلوميه بس ولا يعمل السنادى بس انا بعرفك وافهمك ؛
23000 من ح / ايراد مقدم ,,,,, >>> ( ميزانيه )
23000 الى ح / ايراد المبيعات >>> ( قائمه الدخل )
 بفرض ان العميل قال انا مش عاوز بضاعه وعاوز باقى الحساب نعمل ايه ؟؟
عادى نقفل ح الايراد المقدم ونديله فلوسه من البنك على الجزمه القديمه . 
23000 من / الايراد المقدم >>> ( ميزانيه )
23000 الى ح/ البنك >>> ( ميزانيه )
وبكده يبقى قفلنا الحساب ده ولا يبان له اى اثر فى الميزانيه او قايمه الدخل ......
 بفرض ان العميل قالك رجع البضاعه وعاوز الفلوس كلها نعمل ايه ؟؟
 وبفرض انه قال مش عاوز الباقى وعاوز الفلوس ورجع جزء من البضاعه المباعه سابقا ؟؟
 وبفرض انه قال اجلها السنه الجايه ؟؟؟ وافترض انت شويه حاجات تانى وحاول تحلها ولو معرفتش تحلها ابعت لى على الميل وانا ابعت لك الرد كامل بس حاول وحياه ابوك وحتى حل غلط وانا اقلك الصح بس المهم انك تتعلم وتحاول وتفهم e-mail ; rafy_hash***********

ثالثا – المصروف المستحق ؛
المصروف المستحق عباره عن مصروف اخدنا خدمه او سلعه او حاجه مقابله ولكننا لم ندفع قيمتها ,
مثلا : شركه نقل بضاعه نقلت لنا بضائع عده مرات بقيمه 3700 ج ولكننا لم نعطيهم اجرهم يبقى الحل اننا نحمل ده مصروف على السنه الحاليه طبقا لمبدا الاستحقاق وفى نفس الوقت نثبت دائنيه هذه الشركه لنا ونعمل القيد كالتالى :
كان القيد الاول اصلا معملناش قيد واكتشفناها عند التسويات يبقى نعمل القيد ده ؛
3700 من ح / م عموميه – م. نقل بضائع ( قائمه )
3700 الى ح / مصروف مستحق ( ميزانيه )
وبكده يبقى احنا اضفنا الى المصاريف نصيبها من م نقل البضائع التابعه للعام الحالى وفى نفس الوقت ثبتنا حق الشركه وده بيظهر فى الميزانيه تحت بند مصروف مستحق..
اما السنه الجايه لما ندفع للعميل هنقفل ح المصروف المستحق خالص ولا يظهر له اى اثر ؛
3700 من ح / مصروف مستحق ,,,,, >>>
3700 الى ح / البنك >>>

رابعا – الايراد المستحق ؛
الايراد المستحق هو عكس السابق تماما كاننا قدمنا خدمه الى احد العملاء السنادى ولم نحصل على قيمتها لحد اخر السنه واحنا بنقفل ...او الحاجه برضو الشهيره اوى فى المقاولات هو انى بقدم المستخلص و احمل الكلام ده على الايراد المستحق زى كده ..

مثلا انى قدمت مستخلص ب 100 الف و لسه مش اتقبض و عاوز اقفل السنه ...

100 الف من ح \ ايراد مستحق ( ميزانيه - لاثبات الحق فى الايراد )
100 الف الى ح \ ايراد العمليات و المشاريع ( قائمه الدخل )

تعالى نشوف مثال تانى مختلف
مثال قدمنا لاحد الشركات خدمه تمويل( بيع سياره بالقسط ) بمبلغ 100000 ج وفائده سنويه 10% لكل سنه والكلام ده كان فى 1/9/2008 م عاوزين نثبت حقنا فى الفائده بتاع المده دى اخر السنه ...
اولا لما ايدنا التمويل (السياره ) للناس اتسجل كده ..
100000 من ح / مدينين - تمويل شركه الفس
100000 الى ح / البنك
وبعد 4 شهور قفلنا السنه, يبقى نحسب الفائده عن المده دى = 100000 ×10%×1/4 = 2500 ج
2500 من ح / ايراد مستحق ( ميزانيه )
2500 ال ح / ايرادات اخرى – ايراد تمويل ( قائمه الدخل )
وبذلك يبقى احنا حطينا نصيب السنادى من الربح ( قائمه دخل ) واثبتنا حقنا فى الفائده عند العميل
اما السنه الجايه فى 1/9/2009 لما يدفع لنا القسط = 25000والفائده= 10000 ج نعمل القيد ده :
11000 من ح / بنك
الى مذكورين
2500 ح/ايراد مستحق ( كده قفلنا الايراد فى الايراد المستحق )
7500 ح/ ايرادات اخرى – ايراد تمويل
25000 ح/ المدينين - قسط
[/COLOR]


من الاخر دى حاجات هتقابلها كل يوم ,, و فى ناس اصلا لما بتاخد الايراد او تدفع المصروف مش بيستنو لاخر النسه علشان يقفله بل بالعكس بيعمل المعالجه علطول علشان مش يجى اخر السنه يتزنق فى تسويات تانى ... و بفرض انه دفع 15000 مصروف ايجار 3 سنين .. هنعمل قيد واحد يحمل السنادى بما يخصها و الباقى يعالجه علطول كده

من مذكورين
5000 ح \ م الايجار ( قائمه دخل )
10000 ح \ مصروف مدفوع مقدم - ايجار كذا كذا ( ميزانيه )
15000 الى ح \ البنك ( ميزانيه ولا قائمه ؟؟؟ظ )

يعنى عادى عاوز تعمل ده صح او التانى صح وكله ياكل عيش ش ش ش

المهم دى كانت باختصار شديد المعالجات لاربع حسابات هتقابلها كتيرررررر و فكر يا مان ....ز

لو حد عاوز اى استفسار او اى حاجه تانى يقولى وانا حت امره .. و ادعولى يا اخوناااا

والله ولى التوفيق .

ساعد في نشر والارتقاء بنا عبر مشاركة رأيك في الفيس بوك